足动神经:修顿嗒「糖」贺复活-波神2018-11-03 01:19

今周半冷重心,博争紧欧洲赛席位嘅修咸顿,作客打低护级差唔多上岸嘅爱华顿。近季常同死敌利物浦喺前列互斗嘅爱华顿,今季令蓝迷好失望,防线常漏水,有美国钢门侯活都挡唔住,失球仲多过排名比佢哋后嘅侯城同阿士东维拉。

呢粒拖肥糖,早前受欧霸盃频密赛期拖累,伤兵不绝,幸近两战联赛连胜季尾例散嘅纽卡素,同埋久沉不起嘅昆士柏流浪,回升至第13位,护级鬆口气;喺欧霸盃已出局下,爱军进入无大意义嘅季尾时期。

相反,季前被列强大挖角嘅修咸顿,靠一众平靓正新兵撑得住,长期喺前列战斗,表现係英超中最惊喜;但于二月初,联赛五战失咗11分,注定争霸无望。

但近三仗所见,球队复现朝气,尤其前仗作客打和车路士1:1,令笔者印象深刻;该仗荷兰领队朗奴高文,大胆先弃近八仗食白果嘅箭头加斯安奴柏利,改以快速突击踢法,斗英超一哥仍不落下风,战术大师原来点只佢同胞曼联云高尔一人。

现排第六位嘅修咸顿,连上年度业绩也复活,季前出售数位球星所得数千万镑未入账,但除税后仍大赚逾3,000多万镑。喺球会水头充足,预期下季必大搞下,站稳阵脚嘅朗奴高文,必心雄想带领这支南部军,争战来届欧洲赛,季尾赛事要盯紧咯。

阵容上,加斯安奴柏利自嘲踢英超近十场九次中柱,脚头无灵;但佢刚代表意大利,攻破由今战爱华顿中坚菲腊积基尔卡领导嘅英格兰防线,信心应回来;

相反爱华顿孭重飞嘅中锋卢卡古,国际赛前已伤,今晚上阵五五波,一来一回,让球平手盘博高水嘅修咸顿,几稳阵。韦斯咸受让有鬼过关先博阿仙奴小胜利记,就算后者伤停多,但两军赔率不应如赛前悬殊,信心再大,欠值博率也只宜小注。

另一选博包尾嘅李斯特城,气走另一战意不明嘅中上游球队韦斯咸;狐狸近八战二和六负仲要让波成热门,乜葫芦卖乜药,季尾波玩法,你懂的!

波神神级攻略智破足彩

随机文章推荐